2026/05/29
Iñaki Gorostizak Luciano Juaristi Atano X.aren lekukoa hartu du eta Pilotaren Izartegiko bigarren kide bihurtu da Pelota Pro Ligak gaur eguerdian K5 Bodegan egindako ekitaldian.
Buruz buruko txapeldunak eta esku pilotako hainbat profesional izan dira gaur eguerdian Pelota Pro Ligak Iñaki Gorostiza 1977ko Buruz Buruko txapeldunari egindako omenaldian.
Axpen (Bizkaia) jaio zen 1953an, eta esku pilota profesionaleko pilotari bizkaitar handienetako bat da. 1973an debutatu zuen profesionaletan, 19 urte besterik ez zituela, Eibarko Astelenan. Gorostiza laster nabarmendu zen, atzelari gisa zuen ahalmenagatik eta buruz burukoan zuen gaitasunagatik. Hiru hilabete baino ez zituen behar izan profesional mailako lehen txapela eskuratzeko, Bigarren Mailako Buruz Buruko Txapelketa irabazi baitzuen. Hurrengo urtean, behetik hasita, Buruz Buruko finalera iristea lortu zuen, baina tanto bakarragatik galdu zuen Retegui I.aren aurka. Eta 1977an txapel preziatua eskuratu zuen Roberto Garcia Ariñori 22-12 irabazita Logroñoko Adarraga pilotalekuan. Buruz buruko txapela lortuta, 18 urte profesionaletan eman ondoren, 1991n erretiratu zen Gorostiza.
Iñaki Gorostizak Pelota Pro Ligaren urrezko intsignia jaso du eta honekin batera, Pilotaren Izartegian sartu da.