2026/06/25
Gaur arratsaldean Hernaniko P.Etxeberria eta Salaberriaren arteko kanporaketak itxiko du txapelketako final-zortzirenetako fasea.
Zabalak atzo lortu zuen final-laurdenetarako txartela, Eibarreko Astelenan tanto bakarragatik Dario gainditu ondoren. Eta gaur arratsaldean P.Etxeberria eta Salaberria sailkatuta dauden pilotariekin bat egiten saiatuko dira.
Final-laurdenak ostiral honetan hasiko dira Sestaon, Peña II.a iazko txapeldunaren eta Larrazabalen arteko norgehiagokarekin. Larunbatean Jaka eta Laso izango dira aurrez aurre Gernikako Santanape pilotalekuan, eta igandean Ezkurdiak eta Zabalak neurtuko dituzte indarrak Altsasun. Final-laurdenetako azken kanporaketa astelehenean jokatuko dute Mungian Altuna III.ak eta Hernaniko gaurko irabazleak.
Jaialdietarako sarrerak eskuragarri daude EntradasFronton atarian.